Familia eredu anitzen gaineko mahai ingurua egin dute Mondragon Unibertsitatean
Familia horien bizipenak jaso, eta gaur egungo ikastetxeen zeregina eta eragina aztertu dituzte.
Mondragon Unibertsitateko Humanitate eta Hezkuntza Zientzien Fakultatean egungo familia eredu anitzen gaineko mahai inguruan egin dute. Gaur egungo familia eredu anitzen beharrak identifikatzea, eta arazo eta kezka horiei erantzun bat ematea izan dute helburu jardunaldi horretan. Eta baita ere aztertzea gurasoek zein eratako parte hartzea duten ikastetxean.
Mahai-inguruan era askotako familia ereduak izan dute ahotsa. Hala nola, sexu bereko gurasoak dituzten familiak, umeak harreran hartu dituztenak edo eredu tradizionaleko familiak. “Ikusi nahi dugu guraso berri hauek zein eratako eskaerak egiten dizkioten eskolari eta eskola nola saiatzen den horri erantzuten (…) Zein da gaur egungo ikastetxeen zeregina eta eragina? Etorkizuneko hobekuntzak definitu behar ditugu”, adierazi du MU telebistan Iñigo Ramirez de Okariz irakasleak.
Hizlarien bizipenak jaso eta familia horien errealitatea ezagutzera emanda normalizazioa sustatzea eta hausnarketa bultzatzea dute helburu Eskoriatzako Huhezi fakultatean. Baita ere sakontzea eskolaren eta hezitzaileen bete beharretan.
MUTBren erreportajea hemen.