Eskulana: Paparreko orratza

Antzuolako Xinkona tailerretik paparreko orratz polit eta erraz bat egiteko gomendioa egin digute. Materialak erraz lor daitezke; izan ere, edonork ditu kafe-kapsulak gaur egun, eta bolarik ez duenak botoi bat edo antzerako apaingarri bat jar dezake. Prozesua, berriz, oso sinplea da. Kontu handiz itsatsi, hori bai! Zein polita gelditzen den!

Materiala

• Kafe-kapsula bat.
• Bola bat edo bestelako apaingarri bat.
• Oihal zatitxo bi; feltroa, adibidez. • Kola; aukeran, beroa.
• Kateorratz bat.

Nola egin urratsez urrats

1. Kafe-kapsula prestatu. Aukeratu kafe-kapsula erabili bat, eta hankarekin ondo zapaldu.

2. Apaingarria itsatsi. Prest dugun apaingarria kafe- kapsulara itsatsiko dugu, tartean oihal zati txiki bat ipinita.

3. Kateorratza ipini. Bigarren oihal zatitxoa kafe-kapsularen atzeko aldera itsatsiko dugu, eta bertan ipiniko dugu kateorratza.