Zer moduz argazkientzako album polit bat egiten badugu? Ea gustuko duzuen! Eskulan proposamena Bergarako Izeder tailerretik bidali dute.

Materiala

• Koaderno edo karpeta zahar bat. • Paperak.
• Erregela.
• Guraizeak. • Arkatza. • Kola. • Brotxa. • Zinta.

Nola egin

  1. Tapak moztu. Karpeta edo koaderno zahar baten tapak moztu eta nahi dugun diseinua egin.
  2. Paperak neurrira moztu. Paperak ondo neurtu, moztu eta gertu dauzkagun tapetan itsasten joango gara. Etxean daukagun edozein paper erabili daiteke: oparietarako papera, aldizkariak…
  3. Apaingarriak sortu eta itsatsi. Forma askotariko paperak moztu eta nahieran apaindu tapak. Ea etxean zer daukazuen ondo apaintzeko: oparietarako papera, botoiak…
  4. Zintak ipini. Bi tapak lotzeko zulotxoak egingo dizkiegu eta zinta batekin lotuko ditugu. Barnealdeko orrialdeak kartoi-mehearekin egin ditzakezue.