Heike Freirek dio asperdura sormen une bat dela eta Eva Milletek gaineratzen du super seme-alaba lortzeko lasterketa honetan haurtzaroa eta aspertzeko denbora suntsitzen ditugula.

Hezkuntza berrikuntzan aditua den Heike Freirek berdean heztea proposatzen du. Hau da, naturarekin harremana lehenetsiz. Baina jakitun da landa-eremuan “seme-alabak inoiz baino gehiago kexatzen direla aspertuta daudelako”. Zergatik? Agian, egunerokotasunean entretenitzeko gailu asko eskaintzen dizkiegulako eta horrekin asmatzeko gaitasuna atrofiatu diegulako.

Eva Milletek seme-alaben heziketarekin lotzen dugun perfekzioaren idealaz ohartarazten du. “Super seme-alabak lortzeko karrera honetan haurtzaroa kaltetzen dugu: jolasteko eta aspertzeko denbora eta bizitzan oinarrizkoak diren beste trebetasun batzuk eskuratzeko”. Milletek uste du hezkuntza ez dela ezagutza argiak eta gogorrak eskuratzea bakarrik, ezagutza horiek inplementatzeko izaera baten prestakuntza ere bada –pazientzia izaten ikastea, ahalegintzeko gaitasuna, enpatia, jakin-mina, frustrazioarekiko tolerantzia…–”, eta, jakina, aspertzen ere ikastea.

Aspertzen uzteko gakoak

  1. Ez atera salbamentu-taldea. Animatzaile soziokulturalaren dohainak, irtenbideen katalogoa edota pantailak esan gura dugu. Dakigula ez da inor asperduraz hil, eta ez da oso positiboa sentsazio horretatik erreskatatzea.
  2. Ikusi asperduraren alde positiboa. Asperdura arazo bat bezala edo estutasun moduan bizi badugu istilua sortuko ote den beldur izango gara. Adierazi umeei asperdura gelditu eta nork bere denborarekin zer egin nahi duen pentsatzeko aukera bat dela. Akaso, hori esanda beste modu batera biziko dute unea.
  3. Transmititu ideia interesgarriren bat izango duten konfiantza. Askotan bizi dugu gure seme-alaben asperdura hortik ateratzeko betebehar moduan, eta gehiegi babesten ditugu. Pentsatzen badugu, ordea, beste inork baino hobeto jakingo dutela zer egin eta nola dibertitu presio gutxiago sentituko dugu.
  4. Konektatzeko eta sortzaile izateko aukera gisa bizi behar da asperdura. Batasunak egiten du indarra, baita asperduraren aurka ere. Seguru elkarrekin jolas asko bururatzen zaizkizuela, elkarrekin egiteko jarduera asko…

Argazkia: Annie Spratt / Iturria: hemen.