Uda eta beroa  iritsi zaizkigu eta beroari aurre egiteko ura da maite dugun elementua: igerilekuak, errekak, itsasoa…

Guraso moduan edo guraso izan gabe, haurrekin ura dagoen eremuetan gaudenean adi egotea beharrezkoa da.

MOE (munduko osasun erakundea) ren arabera, haurren itotzeak dira haurren heriotza arrazoi  nagusietako bat. Estatistikek adierazten digute, halaber, itota hiltzeko  kolektiborik ahulena 1 eta 5 urte bitarteko haurrak direla, eta igerileku pribatuetan gertatzen direla heriotza gehien.

Estatu mailan sortu dira gai hau lantzen duten eragile eta kanpaina bereziak, ojopequealagua da adibideetako bat. Gaurkoan  Alfonso Ortigado  medikuak sare sozialetan argitaratutako dekalogo bat ekarri nahi izan dugu.  Nola jokatu behar dugu haurrekin igerilekuan gaudenean.

1.- Etengabeko kontaktu bisuala izatea


2.- Arreta  ez jaisteak, ez fidatzea.  Arreta jartzeari  uzteak ondorio larriak izan ditzake, baita mugikorra artatzeko minutu batzuk  despistatzen bagara ere.


3.- Gogoratu, haurrak isilean itotzen direla, ez dute  helduek bezala oihu egiten.


4.- Haur bat  ez da itotzen  urak estaltze duen lekuan bakarrik; haurtxo bat 2 cm-ko sakoneran ito daiteke (kontuz bainuontziekin eta igerileku puzgarri txikiekin).


5.- Flotagailu puzgarriekin kontuz.  Segurtasun-sentsazio faltsua ematen dute.


6.- Garrantzitsua da guraso guztiak oinarrizko bizkortze-maniobretan trebatzea.


7.- Garrantzitsua da haurrek igeri egiten ikastea


8.- Haur bat  uretatik konorterik gabe ateratzean, lepo-burua zaindu, baliteke aurrez traumatismo zerbikal bat izatea.


9.- Erreakzio-denbora funtsezkoa da, lehenengoek jardun behar dugu.


10.- BDL jokabidea aplikatzea. Babestu, Deitu, Lagundu.


– Haurra babestea, leku segurura eramatea.
– Deitu larrialdi-zerbitzuei (deitu 112 zenbakira)
– Haurrari lagundu, BBB maniobrak hasi (ez egin Heimlich maniobra)