Kontziliazio neurriak eta adingabeen eskubideak kontuan hartzea, eskaera nagusien artean

Aztiker soziologia ikerguneak inkesta bidezko neurketa bat egin du 3-12 urte arteko umeak dituzten familien artean ikusteko nola bizi duten eskolarako itzulera. Ikerketaren izenburua da Eskolara buelta. Familien bizipen eta iritziak.

Inkesta 2020/2021 ikasturtea hasi aurreko egunetan eta lehen klase egunetan egin zuten irailaren 4tik 80ra bitartean Araban, Bizkaian, Gipuzkoan eta Nafarroan, eta hezkuntza komunitatea osatzen duten familien iritziak eta kezkak aztertu ditu. 800 elkarrizketa hartu dira kontuan.

Ondorio nagusiak

. Umeak ikasturte amaieran baino poztasun handiagoarekin eta baita ere urduritasun handiagoarekin bueltatu dira eskoletara.

. Behar izanez gero, inkestatutako gehiengoa konfinamenduaren alde dago, baina beste modu batean eginda.

. Konfinamenduan gurasoen zailtasun handienak zaintzarako kontziliazioa eta laguntza akademikoa emateko denbora falta izan dira.

. Beharrezko ikusten diren kontziliazio neurri nagusiak dira ordutegi malgutasuna eta umea konfinatuz gero baja eskubidea.

. Kutsatzeak saihesteko eskoletan har daitezkeen neurrien alde daude familia gehienak, baina aldeko jarrera baxuena dute 6 urtetik gorakoek maskara eraman behar izateak eta ikastetxean distantziak mantendu beharrak. Horiekin batera curriculuma malgutzeak. Aldiz, leku irekien erabilerak eta garbiketek atxikimendu handia jaso dute.

. Jantoki zerbitzuari dagokionean inkestatuen heren batek lasai asko erabiliko lukeela adierazi du eta beste heren batek azaldu du ez lukeela beharko. Laurden batek zalantza askorekin baina jantokia erabaliko lukeela esan dio, eta %14 ez erabiltzearen alde agertu da.

. Eskolaz kanpoko jardueren inguruan herenak pasatxok konfiantza du jarduera horiekiko eta beste heren batek, nahi izanda ere, aurten ez dituztela erabiliko esan dute.

. Bi erkidegoetan gehiengoa kritikoa da gobernuarekiko. EAEn kritika handiagoa da.

. Eskolarako itzulerarekin nafarrek zalantza gutxiago agertu dute EAEko biztanleek baino. Hartutako neurrien inguruan desadostasuna agertu du %30ak EAEn eta %24ak Nafarroan.

. Grebaren inguruan familiak zatituta daude. Grebarekin ados dago %44a eta kontra %43a. Mobilizazioekin, ordea, %68a dago ados.

. Inkestatuen iritziz, adingabeen eskubideak ez dira kontuan hartu pandemiaren hasieratik.