Mozorrotzea hainbeste gustatzen zaigunez, hemen duzue etxean egiteko moduko maskara bat; izan ere, norberak egindako maskara bat baino politagorik ez dago!

Materiala

  • Kartoi mehe bat
  • Errotuladoreak
  • Guraizeak
  • Koloretako brillantina
  • Kola
  • Goma fina

Nola egin

  1. Markatu marrazkia. Pentsatu zer-nolako forma eman nahi diozun maskarari eta kartoi mehean markatu. Komeni da begi zuloak non egingo dituzun ere aurrez pentsatzea. Guk tximeleta forma emango diogu maskarari.
  2. Moztu guraizeekin. Txukun-txukun moztu kartoia, aurrez markatutako irudia kontuan hartuta.
  3. Begiak egin. Maskara bat denez, beharrezkoa da begi zuloak ondo egitea. Ez da erraza begien arteko distantzia eta beste ondo kalkulatzea. Laguntzarik behar baduzu, eskatu inguruko baten bati.
  4. Margotu Maskara. Apaintzeko unea da. Lehenengo eta behin, margotu gustuko koloreekin.
  5. Brillantinarekin apaindu. Brillantinarekin apaindu dezakezu zure maskara nahi baduzu. Erabili kola. Eta ondo sikatu denean, ipini goma maskara jantzi ahal izateko. Eta prest duzu jolasteko!

Eskulana: Alaitz Jauregi. Xinkona denda. Antzuola.