Bikote edo pertsona  bidaiari eta abenturazaleek zer egiten dute guraso izatean? Mundua ezagutzen jarraitu?  Bidaia edo oporraldi lasaietara mugatu?

Gurasotasuna bera izaten da askotan abentura eta bidaia, eta bestelako abenturak alde batera ere uzten dira. Baina zergatik ez bidaiatu txikiekin, beste kultura batzuk ezagutu, beste ohitura batzuk…

Ezin uka baina bidaiatzeko modua aldatu egiten dela, batez ere haur txikiekin bidaiatzerakoan. Horregatik izaten da interesgarria haurrekin bidaiatu duen jendearen esperientziak entzutea eta irakurtzea.

http://familiasenruta.com  webgunea honegatik iruditzen zaigu interesgarria.  Bertan txikiekin bidaiatzeko aholkuak eta proposamenak jasotzeaz gain beste bidaiari batzuen esperientziak ere aurkitzen ditugu.

Guraso.com webgunean ere jasoko genituzke familia euskaldunen bidaia kronikak, esperientziak eta ideiak.