Aurten ere arimen gaua, gau beltza, gaba beltza… herri ezberdinetan ospatuko da, bakoitzak bere ezaugarriekin egingo du, ekimen eta egitaraua anitzak izango ditugu Euskal Herrian zehar. Guraso.eus egitasmoan herri ezberdinetako argazki ekimen eta bideoak jaso nahi genituzke. Bidaliko dizkiguzue?

Gaurkoan Arrasateko Txatxilipurdi elkartearen eta Ttak taldearen ekimen eta hausnarketak ekarri nahi izan ditugu. Bideo eta abesti bat osatu dute aurtengo gaba beltzerako. Arimen biltzarra ezin eginak (pandemia dela eta) bultzatu du abestia eta bideoa sortzea, ilusioz argitaratu dute gaur bertan.

Baina zergaitik ospatu gaba beltza, zergaitik bersortu gure tradizioa? Honetaz hausnartu zuten Txatxilipurdiko Podcastean.