Ihoteak izan dira aurten Oiartzunen ohiko moduan ospatu ahal izan dituzten festa bakarretakoak. Ordutik bederatzi hilabete pasatuta, Abaraxka Udal Ludotekak karta-jolasa aurkeztu zuen. Jolas honen atzean herri kultura balioan jarri eta jolasera ekartzeko ahalegina aurkituko dugu.

Intxixuak, basandreak, sorginak, ote-gizona, zomorrozinko, suzko akerra, sua, kuestazioa, auzoak eta gainerakoak bildu dituzte bertan. Dixidu estudioak diseinatu ditu kartak, eta Iosu Mitxelena Unsainek ilustratu. Guk Nekane Martiarenarekin hitz egin dugu pertsonaia hauek ulertu eta karta jolasa testuinguruan kokatzeko.

“Baliabide diogu, gure herriko ohiturak eta kultura, jolasean, era kolektiboan, euskaraz, hezkidetzan… jaso eta transmititzeko modua delako”. 

Nekane Martiarena

56 kartako sorta ez da bakarrik etorriko. Kutxa “eder” baten barruan eskura daitezke, eta Oiartzungo Ihotik jolasean aritzeko argibideak ematen dituen oharra dauka. Horrez gain, liburuxka bat dakar, ihoteen historia azaltzen duena.

Gipuzkoako hitzan albistea