Elurra berezia da, magikoa haurrentzat. Jolaserako eta esperimentaziorako ere oso aproposa da. Elurraz gozatzeko denbora mugatua izaten dugu, denok busti eta hotzez dardarka hasi bitartean dugun denbora. Gustora jakingo genuke nola jolastu eta sortu duzuen elurrarekin . Bidali iezaguzue zuen sorkuntzen argazkiak. Hona hemen elurretan egin daitezkeen jolas proposamen batzuk

Elurrezko panpina egitea


Elurrezko panpina bat eginez, haurrek irudimena garatzen dute eta lankidetza sustatzen da. Ez dezagun ahaztu sudurra, begiak, ahoa eta abar egiten dituzten osagarriak bilatzea. Beste aukera bat akuarelak eramatea eta margotzea da. Emaitza: inguruko elurrezko panpinarik txundigarriena.


Elur-bolen gerra
Betiko jolas dibertigarrienetako bat. Oraindik oso txikiak dira bolak egiteko, norbaiti min emateko bezain handiak edo “estuak”. Beraz, utz diezaiegun askatasun osoa. Ideia ona da bi talde sortzea eta ekintza-eremu bat mugatzea, non oztopoak eta gordetzeko lekuak egongo diren, jokoari emozio handiagoa emateko. Jolasaren mugak jartzea ere gure esku egon daiteke.


Pasa pilota
Jokalariek zirkulu bat osatu beharko dute, eta ahalik eta txukunen pasa beharko dute elur-bola bat batetik bestera, denok batera abestuko dugun abesti sinple baten konpasean, erritmoa markatzeko. Jokalari bati bere eskuetan elur bola apurtzen zaion bakoitzean kanporatua geratzen da. Irabazlea zirkuluan geratzen den azkena izango da. Oso garrantzitsua da eskularru onak eramatea.


Kanguru-jauzia
Nahikoa nekatzen du, beraz hobe da bolen gerra baino lehen egitea, lera jaitsiera baino ibilbide laburrago bat definitzen da, ahal dela lur erregularrean. Bitartean, jokalariak irteeran jarri behar dira, hanken artean pilota bat dutela, belaunen parean baino pixka bat gorago. Lasterketa jauzika egingo da, pilota erortzen utzi gabe (gertatzen bada, gure hanken artean jarri beharko dugu berriro, jarraitu ahal izateko).
Lehen helmugara iristen zen kanguruak irabazten du.

Barbantxo
Nola egin dibertigarriagoa familian paseatzea? Ipuina ezagutzen bazuten edo ez, protagonista imitatzea gustatuko zaie, eta arrasto bat utziko dute “ez galtzeko”. Baina ez daitezela ogi-apurrak izan, ez daitezela txoriak jan, Barbantxori  gertatu zitzaion bezala. Harri ilun batzuk edo makilatxo batzuk, zuhaitz adarren bat erabiliz lortuko ditugunak, balio dute. Itzuleran, saihestu dezagun bide zuzena zein den esatea.


Txoriak elikatzea
Neguan emigratzen ez duten txoriak hirien eta herri  inguruetan  egoten dira. Hotz handia eta elurra egiten duenean, errazagoa baita inguru horietan janaria aurkitzea. Txorientzako janlekuak prestatzea eta jatera doazenean ikustea, dibertigarria izateaz gain txoriak ezagutzeko aukera bikaina da.


Elurretan behera jaistea trineo edo plastikoan
Arreta bakarra: ez dezagun gehiegi jaitsi eta elur azpiko lurra kontrolatu, harri batekin estropezu egin ez dezagun.


Detektibeak
Kontua da “arakatzaile” bihurtzea eta aurkitzea nork egin duen bidea guk baino lehen. Haurrek primeran pasatuko dute oin handien (pertsona nagusienak), txikiagoen (haiek bezalako beste haur batzuk), autoko gurpilen, txakurren baten arrastoak aurkituz Mendian bagaude, agian zortea izango dugu eta erbi baten, basurde baten, txori handi baten… arrastoa bereiztea lortuko dugu

Iglu argiztatua
Denbora badugu iglu bat egiten saia gaitezke, elurretako gure txabolatxoa.  Beste aukera bat iglu txiki argiztatu bat egitea da. Elur bola handi bat egin behar da (50 cm inguruko garaierakoa), ondoren zulo bat egin eta hustu egingo dugu.. Kandela piztu bat sartzen dugu (plastiko gorri batek babesten dituen horietakoa, busti ez dadin) eta arratsaldea apur bat ilundu  arte itxarongo dugu. Argiaren efektua ederra da.