Umekiaren biriketan sortzen diren bi proteinak abiarazten dute erditzea

Antza, umekiak erregulatzen du erditze prozesua. Batzuk haurdunaldiaren 38. astean jaiotzen dira, beste batzuk 41. astean… Baina zergatik? Adituek askotan egin dute galdera hori, eta badirudi umekiaren biriketan sortzen diren SRC-1 eta SRC-2 proteinak direla giltzarria edo seinalea.

Southwestern Medical Center unibertsitateko (Texas, AEB) Carole Mendelson biokimikariaren ikerlari taldeak egin du aurkikuntza. Saguekin egin dute ikerketa eta asko dago oraindik ere ikertzeko, baina aurreratu dutenez biriketako surfaktantearen geneak kontrolatzen dituzten SRC-1 eta SRC-2 proteinak dira erditze prozesua martxan jartzen dutenak. Surfaktantea birika-albeolotan denok dugun eta arnasketa prozesua ahalbidetzen duen sustantzia da. Arduratzen da haizez hustutakoan albeoloetako hormak ez itsastea.

Badirudi erditze prozesua jartzen dela martxan SRC-1 eta SRC-2 proteinak surfaktante isurketa handitzen dutenean. Frogak egin dituzte saguetan isurketa prozesu hori atzeratuz eta aurreratuz eta ikerlariak ondorio horretara iritsi dira.

Gehiago ikertu behar da, baina ondorio hau erditze goiztiarrak atzeratzeko bidean mugarri garrantzitsua izan daiteke. Baita ere aspaldian ezbaian dagoen erditzeak programatzeko tendentzia, izan ere, ondorioa da bizitzeko ezinbestekoak diren gorputz atalak prest daudenean jartzen dela martxan erditze prozesua.

Ikerketaren gaineko informazio gehiago hemen.

Albistearen eta argazkiaren iturria hemen.