Calendar
When:
2021-01-10 @ 7:33 – 2021-03-28 @ 8:33
2021-01-10T07:33:00+01:00
2021-03-28T08:33:00+02:00

0-8 urteko haurrak dituzten familientzako izango da, domekero Okendoko ludotekan, urtarrilaren 10ean hasi eta martxoaren 28ra bitartean –12 saio guztira–. Udaleko Gazteria Sailak azaldu duenez, familien parte-hartzea bilatu nahi dute, “proposamenak egin eta gauzatu ditzaten, betiere hezitzaileekin batera”.

Gazteria Sailak adierazi du familia ezberdinak elkar ezagutzeko eta euskaraz elkarrekin jolasteko aukera bat dela ekimen hau, “aniztasuna kontuan hartuta eta euskararen transmisioaren garrantzia azpimarratuta”. Era berean, asmoa da neguko igandeetan, espazioa, denbora eta hitzordua eskaintzea familiei elkarrekin partekatzeko jolasa eta kalitatezko aisialdi hezitzailea.

Segurtasun protokoloak ezarriko dituzte, uneoro edukiera neurtzeko bideak jarriz, ekintza guztiak “modu seguruan” garatu ahal izateko. “Bi hezitzaileen laguntza egongo da, familiek behar duten informazioa eta aholkuak emateko”.

Esan moduan, domekero izango da hitzordua, 17:30etik 19:30era.

Egutegia:

  • Urtarrilak 10, 17, 24 eta 31.
  • Otsailak 7, 14, 21 eta 28.
  • Martxoak 7, 14, 21 eta 28.

Txatxilipurdi elkarteko Podkastean egitasmoaren inguruko informazioa entzungai