Baionako harresietako lorategiak

Lapurdiko hiriburuak aukera handiak ematen ditu familian txangoa egiteko. Herri lasaia, ez oso handia eta bisitatzeko oso interesgarria da.

Hainbat lorategi eta aisialdi espazio ditu. Gaurkoan, alde zaharretik oso gertu dagoen Poternako lorategia proposatuko dizuegu eta horrekin batera lorategi horren baitan dagoen lorategi botanikoa.

Espazio irekiak eta berdeak dira. Ez dago trafiko zirkulaziorik eta sarrera doakoa da.

Poternako lorategia

Harresien bihotzean, alde zaharretik oso gertu, Paternako lorategia dago. Espazio oso handia da. Hainbat aparkaleku ditu –ordainpekoak– eta bertan haurrek jolas espazioez gozatu ahal izango dute. Leku lasaia eta itzaltsua da bero handiko egunetan. Eserlekuak eta zabor-ontziak badaude. Asfaltozko bidexka bat zeharkatzen du berdegune osoa.

Lorategi botanikoa

Katedralaren aurrez aurre eta harresien gainetik zazpi bat metrotara kokatua, lorategi botanikoak landare biziz beteriko altxor txiki bat da. Modu japoniarrean diseinaturiko edozein lorategi bezala, eszena ezberdin asko eskaintzen ditu. Ur-jauziak, zubiak, pasarelak… Leku originala da, benetan. Japoniar erleak, banbu bilduma, geranioak, platanoak eta beste espezie batzuk aurkituko dituzue. Leku aproposa da atseden hartzeko.

Lorategi botanikoan sartzea doakoa da, baina ordutegia du. Apirilaren 15etik urriaren 15era egoten da zabalik eta ordutegia da asteartetik zapatura 09:30etik 12:00etara eta 14:00etatik 18:00etara.