Ikusmina eragiten ari da Mi pequeño gran samurai dokumentala. Transexualitate zikloaren baitan egin dute emanaldietako bat Bergarako Kartzela Zaharrean, eta jarraian solasaldia ere izan dute Aitzole Araneta sexologoaren parte hartzearekin.

Dokumentalak 2018ko otsailean bere buruaz beste egin zuen 16 urteko Ekai Lersundi gaztearen istorioa du ardatz. Bere gurasoen eta naizen elkarteko kideen testigantzak ere batzen ditu.

Ekairen heriotza gertaera ikaragarria izan zen, galera handia. Kontzientziak pizteko eta gaia gizarteratzeko gurasoek eta ingurukoek egindako lana, ordea, ez da oharkabean pasa eta aurrerapausoak emateko balio izan duela azaldu du Aranetak. Hala ere, zehaztu du urteen poderioz hobetu bada ere oraindik ere bide luzea dagoela egiteko.