Urritik aurrera aldaketak umeen segurtasun neurriak ezartzen dituen zirkulazio arautegian

Espainiako trafiko zuzendaritzak zirkulazio arautegiko 117. artikulua aldatu du. Urriaren 1ean sartuko da indarrean arau berria.

Segurtasun uhala denondako da nahitaezkoa. Haurrek, gainera, hiru salbuespen egoera kenduta atzeko eserlekuetan bidaiatu behar dute, eta homologatutako erretentzio sistemak erabilita. “Gaur egun dauden ibilgailu guztietan; autoak, kamioiak, autobusak…”, dio Arrasateko udaltzainburu Iñaki Arriaranek.

Espainiako trafiko zuzendaritzak zirkulazio arautegiko 117. Artikulua aldatu du, eta horren arabera segurtasun neurri berezi horiek guztiak metro bat eta 35 zentimetroko garaiera duten edo hortik beherako garaiera duten umeen kasuan aplikatu behar dira. Eta ibilgailu guztietan aplikatu beharko dira, partikularretan zein garraio publikoan.

Arau berriak jasotzen du autobusetan haurren garaierara edo pisura egokitutako segurtasun uhalak nahitaezkoak izango direla. Hemen ere neurri berdina hartuko da kontua: metro bat eta 35 zentimetro.

Ibilgailu partikularretan, berriz, haurrek atzeko eserlekuetan bidaiatuko behar dute, baina arau berriak hiru salbuespen aurreikusten ditu. Aurreko eserlekuan bidaiatu ahalko dute ibilgailuak bi plaza besterik ez baditu, atzeko eserlekuak umeekin beteta badaude edo erretentzio sistema atzeko eserlekuetan ipini ezin bada.

Arau-aldaketa urriaren 1ean sartuko da indarrean, eta herri barruko zein kanpoko errepideetan bete beharko da. Errepide guztietan, alegia. Bidaia luzeetan zein 50 metrokoetan. Haurren segurtasuna bermatu behar da. “Aurrean joatea eta gainera lotu gabe disparate bat da nahi eta 50 metro egin. Askotan ikastetxera joateko esaten dugu: Ba.. 50 metro besterik ez dira eta ez da ezer gertatuko. Arau-hauste larri bat da. 200 euroko isuna suposatzen ditu”, azaltzen du Arriaranek.