Puzzleekin jolasteak onura asko ditu: memoria bisuala garatzea, pentsamendu logikoa indartzea, trebetasun espaziala eta matematikoa estimulatzea, kontzentraziorako gaitasuna garatzea, mugimen-garapena hobetzea, autokontrola, erlaxazioa eta hausnarketa sustatzea, autoestimua eta sormena hobetzea, ingurunetik jasotako informazioa sintetizatzen ikastea…

Gainera, etxean puzzleak edo buru-hausgarriak egiteko hamaika aukera daude. Oraingoan, makilatxoekin egindako jokoen hainbat eredu ikusiko ditugu:

1- Argazkiak erabilita egindako puzzlea

Argazki bat aukeratu ; makiltxoen zabalerakoa izatea komeni da.
Makiltxoetara itsatsi, kola zuria erabilita
Lehortzen utzi eta makiletatik kanpo geratzen diren argazki zatiak kuter baten laguntzaz moztu; baita, makilak ere, banan-banan
Puzzlea eginda dago, baina nahi izanez gero, makiltxoak atzetik margotu ditzakegu, jolaserako aukerak zabalduz.

2- Irudiak itsatsita osatutakoa

Aurreko teknika bera aplikatuta, argazkiak jarri beharrean, bestelako irudiak ere itsatsi ditzakegu. Hori bai, irudien euskarria papera izan beharko da, bestela oso zaila izango da makilatxoetara ondo itsastea.

Hemen adibide batzuk:

3- Norberak margotutako puzzlea

Beste aukera bat, puzzlea guk geuk margotzea da. Errotulagailuekin, arkatzekin, tenperekin… Horretarako, lehenengo makilatxoak ondo lotu beharko ditugu euren artean.

Hartu ideiak:

4- Zenbakien ordena ikasteko puzzlea

Aukeratzen dugun eredua aukeratzen dugula, beste funtzio bat ere izan dezakete gure puzleek. Adibidez, zenbakiak jartzea.

Zer iruditzen?