Jolastea eta dibertitzea dira Ikusbera.eus webgunearen helburu nagusiak.

Webgunean bertan azaltzen duten bezala, irudia dute oinarri, eta hitza da irudiaren laguntzailea: “Bistaratzen zaigunari erreparatuz, deskubrimenduak eginez, pareak osatuz, bat eta beste alderatuz, logika erabiliz nahiz bestela, bizitzak agertzen dizkigun gaietan murgilduko gara, jolasteak berez dakarrena sustatzeko: ernatzea, adimena bizkortzea, baliabideak eta trukoak ikastea, trebatzea, eta finean, handitzea”, halaxe dago azalduta.

Hasiera

Webguneak hainbat atal ditu. Hasieran, egunean eguneko jolas bat proposatzen dute.

Jolasak

Bigarren atal horretan, hainbat ataletan banatutako askotariko jolasak aurki daitezke.

Aldeak. Bi irudi oso antzekoren arteko zazpi diferentziak aurkitu.
Arrotza. Gauza mordo baten artean, elementu arrotzak aurkitu.
Bakoitzari berea. Lotu elementu bakoitzari, dagokion itzala.
Bilatu. Bilatu eskatutako elementuak eszena nagusian.
Dominoa. Bete hutsuneak domino lerroa zuzena izan dadin.
Ezetz asma. Asma ezazu zein den galderari dagokion erantzun zuzena.
Gogoan hartu. Proba egin ezazu zure memoria ona ote den.
Handitik txikira. Ordena itzazu bost irudiak neurriaren arabera.
Irudi engainagariak. Identifikatu irudi nagusitik hartutako zatiak.
Itzalak. Zein ote da irudiari dagokion itzala edo silueta?
Labirintoa. Aurki ezazu bide zuzena argibideei jarraituz.
Lerroan eman. Ordenatu hitzak, esaera ezagun bat osatzeko.
Margotu. Koloreztatu irudi zuri-beltzak zure gustura.
Osatu. Osatu irudi nagusia falta dituen zatiak identifikatuz.
Puzzleak. Pieza bakoitza dagokion tokian ipiniz, osatu irudia.
Sudokua. Irudien bidez, osatu hutsuneak sudokua zuzena izan dadin.

Gaiak

Hainbat gaitan banatutako jolasak ere badaude.

Inauteriak
Janariak
Natura
Ofizioak
Oporrak
Animaliak
Etxea
Negua
Piratak
Soinean
Kirola
Historia

Bestelakoak

Telefono mugikorretarako Android aplikazioa ere badute eta Windows-erako mahaigaineko aplikazioa ere bai.

Inprimatu eta jolasteko mahai-jolasak ere badituzte: altxor uhartearena eta Herri Urrats.

Hainbat eskulanetarako proposamenak ere jasotzen dituzte:

Sugea
Artilezko animaliak
Artilezko txita
Buruhandia
Elur panpinak
Eskua, 3Dn
Gabonak
Halloween
Izaki tronpatuak
Izeba Dorleta
Lekukoa
Loteria
Paraxutista
Perlak
Sorpresa!
Suziriak

Askotariko aukera eskaintzen du beraz, webguneak. Animatu eta probatu bertako jolasak eta denbora-pasak!