Jolas librea oinarri, Bergarako San Martin eskolako Lehen Hezkuntzako patioa elkarlanean berritu dute ikasturte hasiera honetan . Eskola kanpoko orduetan edonork erabili ahal du, jolas gunea.

Jolas librea da eskola komunitatetik sustatu eta indartu nahi izan zutena eta honen berri eman genuen guraso.eus egitasmoan. Jolasparkeak.eus gidan ere sartu genuen patioa, heziguneen atalean.

Gaurkoan Oinherri, Herri hezitzaileen sareko lagunek ikastetxeko guraso elkarteko kide den Amaia Velez de Mendizabali egindako elkarrizketa dakargu guraso.eus egitasmora, eraldaketa prozesuaren nondik norakoak ezagutzeko baliagarri dela iritzita.