Globoaren teknika haurrek urduritasuna, frustrazioa edo haserreak kudeatzen ikasteko metodo bat da. Seme-alabei beren emozioak autorregulatzen ikasteko tresnak emateko bide bat da, zehazki.

Hala ere, izenak dioen bezala, globoak erabiltzen dira egiteko. Eta hori erabiltzeak itotzeko arrisku handia dakar, batez ere kasketak izaten dituzten haur txikiendako arriskutsua izan daiteke. Beraz, kontuz ibiltzea komeni da.

Zein da globoaren teknikaren helburua?

Inor ez da jaiotzen bere sentimenduak kontrolatzen dakienik. Heldu egiten garen heinean ikasten ari gara, eta askotan, esperientziarekin ere, ez gara gai sentsazio batzuei heltzeko. Txikiei berdina gertatzen zaie, baina guk eman behar dizkiegu horretarako tresnak.

Teknika guztiek ez dute ume denekin funtzionatzen. Batzuetan, guraso gisa, hori lortzeko formula ezberdinak bilatu behar ditugu. Esaterako, ume bat benetako sumendi bat baldin bada, irudi hori erabil daiteke lasaitzeko; tripan sumendi bat duela badio, batzuetan erupzioan sartzen dena, esan diezaiokegu arnasa sakon hartzeko eta laba geldiarazten kontzentratzea izan daiteke teknika. Eta gero baso bat ur eman diezaiokegu itzali ahal izateko.

Globoaren teknikak haurrei lagundu nahi die emozio suntsitzaile horiek kontrolatzen, hau da, haserrea, frustrazioa edo urduritasuna. Jolasaren bidez –haurrendako ikasteko tresnarik egokiena–, adingabeek arnasketa kontrolatzen ikasiko dute, globo bat husten ariko balira bezala, beren gorputzaz jabetuz eta lasaitzeko denbora emanez.

Nolakoa da globoaren teknika?

Hori praktikan jartzeko globoak behar ditugu. Puntu honetan, azpimarratu behar da ez dela gomendatzen zazpi urtetik beherako haurrek puxikekin jolastea, itotzeko arrisku handia dagoelako. Sistema hau aukeratu aurretik, horretaz jabetu behar da. Ez dago gomendatuta kasketak izaten dituzten haur txikientzat, adibidez.

Azaldu behar zaie haserretzen garenean edo urduri gaudenean globo bat bezalakoak garela, betetzen ari garela eta, kontrolatzen ez badugu, lehertu egin gaitezkeela. Gero –edo paraleloki– globo bat beteko dugu, puztuz eta puztuz, lehertu arte –hori gertatuko dela jakinarazi behar zaie–. Orduan esango diegu globo bat bezala, gero eta gehiago haserretzen bagara, azkenean lehertu egingo garela eta ezin izango dugula gure burua kontrolatu.

Jarraian, umeari beste globo bat betetzeko eskatuko diogu, baina lehertu gabe. Eta nahikoa aire duenean, airea poliki-poliki ihes egiten uztera animatuko ditugu. Oso modu bisuala da ikusarazteko sentimendu horiek maneiatzea lortzen badugu, ez garela leherketa kontrolaezin batera iritsiko.

Gero, globorik gabe, birikak airez bete ditzatela eskatuko diegu, harik eta gehiago ezin duten arte, eta apurka-apurka ihes egiten utz diezaiotela esan, normaltasunera itzuli arte. Hori egin daiteke etzanda, eserita edo edozein jarrera lasaian. Gainera, lehertzear sentitzen diren uneez arduratzen bagara –anai-arrebekin borrokak, zerbait ez lortzeagatik haserrea, etab.–, esperientzia horiek globoaren irudiarekin konektatuko ditu, eta horrela sentitzen direnean aplikatu ahal izango dute teknika.

Zertarako balio du globo-jokoak?

Puxikekin jolasteak onura fisikoak dakarzkie haurrei. Horiei esker, birika-gaitasuna handitu dezakete, diafragma lantzen dute, ezpainetako muskulatura indartzen dute, bokalizazioa hobetzen laguntzen dute –oso egokia da dislalia duten haurrentzat– eta disnearen aurkako ariketa ona da –aire-faltaren sentsazioa, bronkitis akutuarekin lotua–.

Globoaren teknikaren kasu zehatzean, hauek dira helburuak:

  • Erlaxatzeko teknika bat da, autonomia izateko eta beren kabuz egiteko aukera ematen diena.
  • Arnasketa kontrolatzen eta kontzentratzen laguntzen du.
  • Haien gorputza ezagutzeko aukera ematen die, baita haien mugak ezagutzeko ere.
  • Lasaitasun-egoerak errazten ditu eta urduritasuna baretzen du.
  • Tresnak ematen dizkie urduritasun-egoerak kontrolatzeko eta haserrearazten edo zapuzten dituen hori identifikatzeko eta mugak jartzeko.

Eragozpena: kontu handiz ibili behar da puxikekin

Globoak dira Estatu Batuetan itomenak eragindako heriotza-kasu gehien eragiten dituzten objektuak; horregatik, ez da gomendatzen zazpi urtetik beherakoentzat erabiltzea. Haur batek puxika puztu bat xurgatu dezake ahoan jarrita; putz egiteko airea hartzean, puxika ahoan sar daiteke eta eztarrian harrapatuta gera daiteke, arnasbideak oztopatuz.

Haurrak puztutako globo bat edo lehertutako puxika zati bat ere irentsi dezake. Horregatik, haurrak ez dira inoiz begi-bistatik galdu behar puxikekin jolasten direnean. Eta eztanda egiten badute, berehala jaso eta bota behar dira zatiak.

Iturria: hemen.