Txikipediaren eta Eñaut Irribarrez ilustratzaile eta komikigilearen artean sortu duten proiektu bat da “Ikasi Otxorekin” . Bertan, Otso izeneko pertsonaiak hainbat gairen inguruan hitz egingo du, agian zailak diren gaiak errazago egiteko asmoz. Hamabost egunean behin, txikipediako gai bat aukeratu eta komiki, ilustrazio eta infografien bidez azalduko digu Otsok. Eñaut Aiartzaguena ilustratzaile eta Otsoren lagunarekin hitz egin dugu egitasmo honen nondik norakoak ezagutzeko.

Nork egiten du Txikipedia? Txikipedia wiki proiektuan edonork parte har dezake, artikuluak idatziz, aldatuz edo osatuz, informazioa gehituz edo zuzenduz. Horretarako kontua ireki beharra dago, baina oso erraza da. Hori bai, beti errespetatu behar dira egile-eskubideak.

Bestalde, Txikipediaren asmoa da 8 eta 13 urte bitarteko euskal umeek berek ere parte hartzea Txikipedia egiten, haiek izatea interesatzen zaizkien artikuluak idazten, osatzen edo zuzentzen dituztenak, baina betiere euren irakasleen laguntzarekin; horrela, euren ekarpena egin dezakete, eskolarako baliagarriak izan daitezkeen gaietan. Irakaslea bazara eta proiektu bat egin nahi baduzu, idatzi eutxikipedia@gmail.com helbidera.