Eusko Jaurlaritzak martxan jarri du Zure Hatz Marka Euskaraz izeneko kanpaina, telefonoak euskaraz jartzea sustatzeko, eta horren baitan, gazteei zuzendutako lehiaketa bat ere abiatu dute. TikTok eta Instagram bidez jarri dute martxan bideo lehiaketa hori eta 13 eta 25 urte bitartekoei zuzenduta dago. Helburua da gazteak sarean euskaraz jardutea sustatzea.

Nola parte hartu?

  • Parte-hartzaileak bideo bat igo beharko du bere profilera –Tik-Tokera edo Instagramera–, lehiaketaren gaiarekin lotura duena eta #egineragin traola duena.
  • Bideoa euskaraz izan beharko da.
  • Tik-Tok eta Instagrameko gozatu_sarean_euskaraz profilak jarraitu.

Parte-hartzeko azken eguna

Azaroaren 11ra bitartean parte hartu ahal izango dute parte-hartzaileek lehiaketan.

Sariak

Bi mugikor irabazi ahal izango dira, biak marka honetakoak: Xiaomi Mi 101T 5G. Balizko irabazlea Tik-Tok eta Instagramenko profilaren bidez jakinaraziko da azaroaren 12an.

Lehiaketara aurkeztutako bideoei buruzko xehetasunak

  • Bideoak #egineragin traola izan behar du, eta lehiaketako audioa izan behar du.
  • Bideoak 15 segundo eta 60 segundo bitartean iraun dezake.
  • Lehiakideek smartphone bat erabil dezakete bideoa filmatzeko, eta formatu bertikala izan behar du TikTok eta Instagramentzat.
  • Parte-hartzaileek beraien sareetara igotzen dituzten bideoak Gozatu Sarean Euskaraz sare sozialetako profiletan zein webgunean partekatu ahal izango dira.
  • Bideoek ezin dute egile eskubideak dituen irudirik edo musikarik erabili TikTok musika liburutegitik eta lehiaketako musikatik kanpo.
  • Bideo bat baino gehiago aurkez daitezke, baina parte-hartzaile bakoitzeko bideo bakar batek irabaz dezake saria.
  • Bideoek ezin dituzte urratu edozein pertsonaren pribatutasuna edo irudi-eskubideak.
  • Lehiakideek TikTok zerbitzuko terminoak bete behar dituzte. Horren arabera, zerbitzuak eskuratzeko edo erabiltzeko pertsonak 13 urte edo gehiago izan behar ditu, eta ezin du edozein pertsonarentzat difamatzailea den materialik eskura jarri.