Atzo eman genuen  Naroa Martinez guraso.eus eko kolaboratzaileak martxan jarritako Heriotzaren pedagogiaren aldeko kanpainaren berri.

Gaurkoan berarekin izandako elkarrizketa ekarri dugu guraso.eus era.

Argazkia: Oarsoaldeako Hitza

Zer eskatzen da zehazki?

  • Irakasleak doluan eta heriotzaren pedagogian formatzeko.
  • Heriotzaren eta Doluaren pedagogia ikastetxeen curriculumaren parte izateko eskatzen dut Hezkuntza Sailak urte hasierako ebazpenaren urrats eta bete beharreko puntuen parte eginez, hau da, urteko planean heriotza jorratzeko gonbidapena.
  • Hizkuntza edo harrera planak ikastetxe baten errealitatera egokitzen diren bezala, zentro guztietan heriotzaren hezkuntzarako eta dolurako protokolo indibidualizatuak sortzea
  • Euskarazko materiala sortzea bertako errealitateari lotuta eta Hezkuntza Sailari horretan inbertitzeko (ikerketak egiteko diru laguntzak, ipuinak…) eskaera.
  • Guzti hau martxan jartzeko, adituaren figura publiko bat berreskuratzeko beharra.

Norengan iritsiko litzateke laguntza?

Gizarte osoaren onerako litzatekeela ulertzen dugu, izan ere, batetik ikastetxeetako dokumentu ofizialetan heriotzaren pedagogia barneratzeak eta doluaren aurreko protokoloa izateak, naturaltasuna areagotu eta dolu-prozesuetan lagunduago egotea ekarriko luke, tabua hautsiz.

Bestetik, adituaren figura hezkuntzako profesionalen formakuntzan eta laguntzan arituko litzateke, laguntza hori familiei zabalduz.

Eta azkenik, materialak eta ikerketak egiteko erraztasunak emanez gero, hauek areagotuko lirateke, gizarte osora zabalduz.

Horregatik guztiagatik, ados egongo bazinate, zuen laguntza eskaintzea eskertzekoa litzateke. https://bit.ly/3C35390

Kontutan izan datu pertsonalak eta sms bidezko baieztapena eskatzen dituela norbanakoak zaretela bermatzeko.