Atzeko aldeko erdiko eserlekua da seguruena haurra autoan joateko, baina ezin da beti plaza hori erabili aulki bat jartzeko. Horrelako aulki bat eskuratzerako orduan, familiek egiten duten galdera ohikoena da zein leku den seguruena haurrarendako eta horixe erantzungo dugu segidan.

Non joan behar du umetxoaren aulkiak?

Erantzuna argia da: erdiko eserlekuan. Seguruena da, oso arrazoi sinpleagatik: autoaren aulkia kolpetik zenbat eta urrunago egon, orduan eta aukera gutxiago egongo dira kolpea haurrarengana iristeko.

Baina ezin da beti plaza hori erabili aulki bat jartzeko. Kasu gehienetan ez dira plaza errealak izaten, eta ez ditu aukerak ematen aulkia behar den bezala erdian jartzeko.

Urteetan entzun izan da plazarik seguruena pilotuaren atzealdekoa dela; izan ere, baliteke errepidean talka eginez gero, gidaria bere bizitza salbatzen saiatzea, kolpea bere aldetik etor ez dadin. Kontua da hori estatistikak baino ez direla. Zenbakiak.

Esan izan da baita ere, hirian seguruagoa dela aulkia kopilotuaren eserlekuaren atzean eramatea, besteak beste, haurra espaloi ondotik jaitsi eta igotzeko. Baina, biribilgune bat egiten ari bazara eta, irten nahian, jo egiten bazaituzte?

Zer dio Legeak?

Legeari dagokionez, uztailaren 17ko 667/2015 Errege Dekretuan zehazten da 135 cm-tik beherakoek eta adingabeek atzeko eserlekuetan eta haurrak atxikitzeko sistemetan bidaiatu behar dutela, tamainaren eta adinaren arabera, eta honako kasu hauetan bakarrik bidaiatu ahal izango dutela aurreko eserlekuan:

  • Ibilgailuak ez du atzeko eserlekurik.
  • Ezin da haurrak atxikitzeko sistemarik instalatu eserleku horietan.
  • Eserleku guztiak beste adingabe batzuek betetzen badituzte, beren autoko aulkiekin. Kasu honetan, egokiena aurreko eserlekuan airbag-a deskonektatuta jartzea da.

Erdiko eserlekuan jartzerik ez badago, zer hartu behar da kontuan?

Egia esan, inoiz ez dakigu nondik etorriko zaigun inpaktu bat, ezta etorriko zaigun ere; beraz, kontrolatu ditzakegun gauzekin arrisku-egoera bat prebenitu behar da, eta hori bai, gure esku dago. Adibidez:

  • Aulkiak martxaren kontra jartzeko aukera izan dezala. Eztabaidaezina da modu horretan esponentzialki murrizten dela lesio itzulezin bat izateko arriskua, datorren lekutik datorrela ere –bai, geldirik edo zirkulatzen ari direla, atzetik jotzen bagaituzte ere–.
  • Ondo instalatuta egotea. Eta zure umetxoaren autoko aulkia behar bezala instalatuta dagoela ziurtatzeko modurik onena gaian aditua den batek aholkatzea da, zentro espezializatu batean.
  • Aulki oso bat bada, seguruagoa da. Euskarri-hankaduna duena, eta, martxaren kontra joan daitezken aulkietan gerrikoa duen instalazio bat baldin badauka, isofixarekin edo berme-hanka duena izatea da seguruena.
  • Autoaren fabrikatzaileak zehaztutako neurriak errespetatzea. Isofixa leku jakin batean badago, zerbaitegatik da.

Eta nola erabaki autoaren aulkia zein aldetan jarri?

Aurreko guztia jakinda, zuen eguneroko errutinan pentsatzea besterik ez dago, zenbat helduk bidaiatu ohi duten aldi berean, etab. Kontuan hartu beharreko gauzak daude, adibidez, aparkatzeko lekuak baterian edo ilaran dauden, garajeko zure aparkalekua nolakoa den, zenbat seme-alaba dituzun…