Familian lasai egiteko ibilaldi zirkularra proposatu nahi dizuegu gaurkoan. Bergara eta Azkoitia artean dagoen Gorla inguruan, pagadi eder baten barrenean ibilaldi leuna da proposatutakoa.  Bidea ondo markatuta dago eta  erraza den arren lokatza egotea da ohikoena.  Zuhaitz erori eta lokatz putzuak dira zailtasuna sortuko diguten elementu bakarrak. Baso ederrak eta ubidearen aztarnak jarraitzeak erraztuko digute ibilaldia.

Loidi-Pagola ingurua, Bergaran interes natural handiena duen eremuan dago. Intereseko habitatak eta animalia zein landare espezieak aurkitu dira bertan. Inguru horretan gainera, XIX. mendearen amaieran, Bergarako Udalak obra izugarria egin zuen, Pol-Pol ingurutik ura herrira ekartzeko. Ur bidearen aztarna ugari antzematen da oraindik gaur egun inguru haietan (ur bidearen plataforma, tunela…).

https://cloud.tokimedia.eus/public/bideo/55802/embed