IRRiA aldizkariaren bueltan jaio zen Irrien lagunak proiektu komunikatiboa orain dela 12 urte. Euskaraz eta euskaratik sortutako haurrentzako edukia eskaini eta balioetan hezteko tresna moduan sortu zen eta hala jarraitzen du gaur egun ere.

Martxoan, 113. alea argitaratu dute. Egindako ibilbidea ezagutu eta egitasmoaren berri izateko Garazi Urrosolo Urdinlaizekin hitz egin dugu

Aipatutako helburu eta baloreak transmititzeko, hainbat pertsonaiaz eta hauek sortzen duten mundu sinbolikoaz baliatzen direla nabarmendu digu Garazik.

Zeintzuk dira baina Irrien Lagunak pertsonaien unibertsoa osatzen dutenak?

Marikalanbre. Neska bizkorra da, zipriztina. Zientzia zale amorratua.
Martinbertso. Mutil gazte, ireki eta zirikatzailea da. Sormena atsegin du bere alor eta
edertasun guztian.
Largabista. Basozaina da, natura-zale amorratua. Gizon jakintsua da, naturaren sekretuak
ezagutzen dituena.
Tiritatxo. Pediatra goxoa da, beti mina duenari laguntzeko prest dagoena. Aholku osasuntsuak konpartitzea maite du.
Ane Pirata eta Patakon. Biek mundu bat osatzen dute, elkartasunaren mundua. Gainontzekoekiko konplizitatea bilatzen dute, desberdintasunen inklusioa

Hauek dira zientzia, kultura, natura, osasuna eta elkartasuna bezalako balioak lantzeko bidelagun ditugun eta aldizkariaren ale guztietn aurkituko ditugun pertsonaiak.