AEBn 70eko hamarkadan piztu zen haur filosofia mugimendua. Oiartzunen, ordea, bere bidea egin du azken urteetan. June Retegi, Xabi Salaberria, Maddi Nazabal eta Izaro Toledo hezkuntza alorreko profesionalak dira, haurren filosofiari buruzko jardunaldi batzuetan bat egin eta… “zerbait martxan jarriko al dugu herrian?”.

Galderak horretatik jaio zen 2018. urtean Oihartzun Filosofikoa. Esan bezala, egitasmoak bere bidea egin du. Igandetan haurrekin batera filosofatu izan dute. Hilean behin, igande arratsaldez, 9-10 urte inguruko neska mutilak bildu izan dira; bizitzaz, heriotzaz, irudimenaz… hitz egiteko.

Erabiltzen zuten materiala baina, kanpoan egina eta iltzulia zela konturatu ziren eta euskaraz eta euskaratik haurrekin filosofatzeko materiala ekoizteari ere ekin zioten.

Hamaika Kutixi Filosofiko proiektua sortu eta argitaratu zuten, guk Izaro Toledorekin hitz egin dugu material hau eta egitasmoa gehiago ezagutzeko.

Zein dira kutixiak eta nor dira sortzaileak?

1. Filosofia: Pello Añorga Lopez eta Idoia Beratarbide Arrieta

2. Egia eta pentsamendua: Ane Labaka Mayoz eta Mariñe Arbeo Astigarraga (Txakur Gorria Sormen Kolektiboa)

3. Errealitatea(k): Alaia Martin Etxebeste eta Onintza Etxebeste Liras

4. Gizakia: Oier Guillan Bermudez eta Iosu Mitxelena Unsain

5. Bizitza eta heriotza: Olatz Mitxelena Larreta eta Udane Ansa Iragorri

6. Kultura eta kulturak: Jon Martin Etxebeste eta Alaia Gaztelumendi Mendarte

7. Ongia eta gaizkia: Goiatz Labandibar Arbelaitz eta Ane Narbarte Lasa

8. Elkarbizitza: Karmele Mitxelena Etxebeste eta June San Sebastian Sein

9. Gizakia eta natura: Antton Kazabon Amigorena eta Jokin Mitxelena Erize

10. Emozioak: Miren Agur Meabe Plaza eta Eider Eibar Zugazabeitia

11. Etika eta politika: Agustin Arrieta Urtizberea eta Ainara Lasa Perez