Pantailen erabilera kudeatzeko ipuina proposatzen dizuegu oraingoan: Deskonektatuta. Miriam Tirado da egilea eta Joan Turuk egin ditu ilustrazioak.

Liburuak familia bat aurkezten du eta kide guztiek egunaren zati handi bat pantailari begira igarotzen dutela erakusten du. Egoera gero eta zailagoa egiten da, eta, konturatu gabe, haien arteko deskonexioa areagotu egiten da. Nola konektatu berriro? Gurasoak arduratuko dira seme-alabei egoera ulertarazteaz, mugak jartzeaz eta pantailen erabilera egokia lortzeaz. Nola egingo dute? Horixe jasotzen du ipuinak.

Gainera, pantailek zer-nolako mendekotasuna sortzen duten ulertzen laguntzen du, gogoeta egitera bultzatuaz.

Konekxio zoriontsu baterako hainbat gomendio ere ematen dituzte liburuan. Bertan diote mendekotasuna sor dezaketela pantailek eta sekula ez dugula ahaztu behar teknologiak “tresna” izan behar duela, eta inoiz ez “iheslekua”. Gainera, gurasook pantailen erabilerarako muga “argiak, kontzienteak eta tinkoak” ezartzea ere garrantzitsua dela diote, baina azpimarratuaz gu geu izan behar garela lehenak horiek onartzen, txikien eredu baikara.

Deskonektatuta liburuan zer gertatzen den jakin nahi?