Amesgaiztoak urruntzeko amets-harrapatzailea nola egin proposatu du Alaitz Jauregik. Hemen beharrezkoa den materiala eta jarraitu beharreko pausuak.

Materiala

  • Alanbre bat edo forma zirkularreko bestelako materialen bat, borobil forma emateko.
  • Soka edo haria.
  • Koloretako beira-aleak (abalorioak).
  • Lumak.
  • Kola beroa.

Nola egin

1. Sokarekin buelta osoa pasa borobildutako alanbreari ala forma zirkularra duen materialari.
2. Borobil erdian armiarma-sare moduko bat sortu sokarekin. Horretarako, alde batera eta bestera pasa soka.
3. Itsatsi beira-aleak borobilaren inguruan kola beroarekin. Nahiago duzun
bezala apaindu.
4. Zintzilikatu pare bat hari luzetara eta puntan itsatsi lumak. Luzeagoak erdian eta alboetan motzagoak jar ditzakezu.
5. Logelan edo atean zintzilik jartzeko, haria jarri goiko aldean, eta prest izango duzu. Ea hemendik aurrera ez duzun amesgaiztorik!