Ume txikiak dituzten mendizaleek maiz zailtasunak dituzte beren mendizaletasunari eutsi eta mendiaz gozatzen jarraitzeko. Batzuk erabat sakrifikatu eta umeak handitu arte (umeak autonomoak izan arte) parentesi bat irekitzen dute mendira joan gabe, beste batzuk, aldiz, umea(k) bikote, senide edota lagunen bati utzi eta tarteka alde egiteko aukera bilatzen dute.


2018. urtean sortu zen “Menditxiki” blogaren helburua, ume txikiekin mendia euskaraz gozatzeko ibilaldi errazak proposatzea da. Familientzako tresna paregabea sortu eta elikatu du Mikel Agirrezabalagak azken urte hauetan. Txikiekin batera egiteko ibilbide ezberdin ugari irakurri eta frogatzeko aukera izan dugu beharrezko informazioarekin.

Berrian argitaratu dituzte proposamenak Menditxiki atalean (ibilkari) eta blogean ikusgai ditugu Euskal Herrian zehar egindako 75 ibilaldi eta Euskal herritik kanpo egindako beste 14.

Oinez ezin dutenean bizkarrean hartu eta aurrera! hori da filosofia! Proposamen bakoitzean, argazki batzuekin batera, ibilaldiaren tracka (Wikilock) eta deskribapen labur bat ere baditu.

Luxu bat Euskal herriko familientzat!