Nerea Villak armairuan usain goxo-goxoa edukitzeko eskulana proposatu du oraingoan; zehazki, izpiliku usaindun olagarroa. Labanda aukeratu du berak, baina zuk nahi duzun usaina aukeratu dezakezu. Egitera animatzen zara?

Materiala

  • Artaziak
  • Berakatzen poltsa sarea
  • Pipak garbitzekoak
  • Botoiak
  • Izpiliku-landare lehorra (labanda)
  • Kola zuria edo kola beroko pistola

Nola egin

  1. Lehendabizi, moztu izpiliku-landarea eta berakatzen sarean sartu.
  2. Zakua lotu; barruan, pipak garbitzekoak sartu eta puntak biribildu.
  3. Begiak itsatsi, muturra moztu eta itxi kolarekin.
  4. Zakuaren muturrean eskegitzeko soka jarri.
  5. Bukatuta, armairuan jartzeko prest; usain ona emateaz gain, pipiaren aurka lagunduko digu.