Halloween? bai, baina…

Urriak 31 datorkigu eta berarekin batera Halloween delakoaren ospakizuna. Asteak daramazkigu inguruko dendetan, telebistan, ingeles-saioetan… atzerriko ospakizun honen inguruko irudiak zien informazioa jasotzen. Etengabeko jarioa da.

Eta maiz sortzen zaigu galdera: Halloween ospatu bai edo ez? Bada, erantzuna ez da hain sinplea.

Ezin duguna horrelako ospakizun bat beste edozein bezala ospatu, haurrak ahalik eta beldurgarrien mozorrotuz, inolako azalpenik eman gabe. Izan ere,heriotza, oraindik orain oso ezkutuan diegu txikienei eta, aldiz, heriotzarekin lotutako jai hau ospatzea sustatzen dugu.

Beraz, alde batetik, ospatzekotan esanahia eta jatorria azaldu beharko litzaieke. Nola zeltiarrek udaren amaiera ospatzean, arimen eta gure munduaen arteko muga estuagoa zela uste zuten eta, ustez, maskarak izpiritu gaiztoak uxatzeko erabiltzen ziren. Horrek, heriotzaz, hildakoen oroimenaz eta erritoez hitz egiteko aukera ematen digu. Ez baitu zentzurik oso ezohikoak diren hildako beldurgarriz mozorrotzea eta aldi berean unibertala den heriotzaz hitz egiteko beldur izatea.

Bestalde, bertako ondarearen aldarrikapena egin eta Halloweenetik Gau Beltzara, Arimen Gauera, Sorgin Gauera… pasatzeko bidea egiten joan. Izan ere, “All Hallow´s Eve” ospakizuna geurera iritsi baino lehen, antzeko ohiturak genituen Euskal Herrian eta nork berea mantentzeko saiakera egin behar dugula sustatu beharra dagoelako. Eta gure antzindarien oroimenaren garrantzia, geure sustraiak baloratu behar direlako. Hau da, garena garelako geure aurretik izan zirelako. Eta gertukoen heriotza eman/go denean, oinarrizkoa baita hildakoak oroitzea.

Beraz, Halloween ospatu? Bai, baina heriotzaz argi hitz eginez eta geure ospakizunetara pixkanaka hurbilduz.

Argazkia: http://gaubeltza.eus/