Guztira lau hitzaldi ireki antolatu ditu Arizmendi ikastolak azarorako Aretxabaleta nahiz Eskoriatzako guneetan. Gaiak gurasoei eta familiei zuzendutakoak dira, modu horretan, komunitateari ekarpena egin nahi diete.

Aurreneko saioa, Familian basora, azaroaren 12an, goizeko hamarretan izango da Almenen, Amaia Agoteren gidaritzapean. Bigarrena ere Almenen izango da azaroaren 22an, 17:30ean. Oraingoan, Leire Aranak eskainiko du Matematika etxean.

Hirugarren eta laugarren saioan azaroaren 29an eta 30ean 17:30ean izango dira, Jose Aranan eta Basabeazpin, hurrenez hurren. Hilaren 29koa Agurtzane Mujikak emango du, Jaiotzatik konfiantza hezkuntzaren oinarri. Azkenengoan, aldiz, Maialen Martinez izango da hizlaria eta Heldua eta haurra. Nork zer erabaki? hitzaldia izango du mintzagai.

Interesa duen edonork eman dezake izena 943 77 20 25 telefonora deituta edo formularioa beteta.