Calendar
When:
2023-04-22 @ 9:00 – 14:00
2023-04-22T09:00:00+02:00
2023-04-22T14:00:00+02:00
Donostia: Nolako Lehen Hezkuntza behar dugu?

‘Hobetzeko prest!’ Lehen Hezkuntzako jardunaldiak egingo ditu Hik Hasik apirilaren 22an

2023-03-01

Besteak beste, Jordi Mateu Zorita formatzaile kataluniarra eta HUHEZIko Karmele Perez Lizarralde izango ditugu, Nolako Lehen Hezkuntza behar dugu? eta Irakasleen prestakuntza gogoetatsua, hezkuntza hobetzeko giltza hitzaldiak eskainiko dituzte, hurrenez hurren eta hobekuntza gogoetatsua praktikara eramaten ari den ikastetxe baten esperientzia ezagutuko dugu. Jardunaldia EHUren Donostiako campusean izango da. Izen-ematea zabalik dago apirilaren 14ra arte.

Lehen Hezkuntza fase berri batean murgildurik dago. Ataurrean dugun eraldaketa pedagogikoa gaur eguneko praktikak berritzera eta hobetzera dator, eta gure esku dago, beraz, abagune paregabe hau aurrerapauso sendoak emateko baliatzea. Prestakuntza ezinbestekoa dugu Lehen Hezkuntzan daukagun erronkari erantzuteko, gure praktika hobetzeko, hausnartu eta eraldaketan jarraitzeko.  Dagoeneko, Haur Hezkuntzan egin dugun edota egiten ari garen moduan, Lehen Hezkuntzan ere zer eta nola egin behar dugun hausnartzeko garaia da. Hausnartu eta ekin, beti ere hobekuntza oinarri izanda.

 

Hik Hasik Lehen Hezkuntzak aurrean duen erronkari erantzuteko eskaintzen duen jardunaldian, honako gako hauek landuko ditu: nola eragin hezitzaileen esku-hartzean helburu eta egitura pedagogiko egokiak ipinita, curriculumak ematen dizkigun aukerak baliatuta, eta eskola aktiboen oinarriekin uztartuz. Hau guztia aurrera eramateko, hezitzaileen talde mailako prestakuntza gogoetatsuaren metodologia aurkeztuko da, Lehen Hezkuntzako hezitzaileon jarduna etengabe hobetzeko baliabide egokia baita.

 

Hobetzeko prest!

 

  • Jordi Mateu Zorita formatzaile kataluniarra: Nolako Lehen Hezkuntza behar dugu gaur egun?
  • Karmele Perez Lizarralde HUHEZIko irakaslea: Irakasleen prestakuntza gogoetatsua, hezkuntza hobetzeko giltza
  • Esperientzia: Prestakuntza gogoetatsua praktikan.

 

Lekua eta eguna:

  • Donostiako EHUren Barriola eraikinean
  • Aiprilaren 22an, 9etatik 14etara.