Guraso moduan etxeko hazkuntzarako euskarazko tresnak behar ditugu askotan, ipuinak, komikiak, gai ezberdinen inguruan hitz egiteko aitzakiak edo haurrek beraien kabuz esploratzeko jolas eta erronkak. Irria aldizkaria izan da azken urteetan eskura izan dugun tresnetako bat eta guraso.eus ekimenaren bidelagun.

IRRiA aldizkariaren bueltan jaio zen Irrien lagunak proiektu komunikatiboa orain dela 13 urte. Euskaraz eta euskaratik sortutako haurrentzako edukia eskaini eta balioetan hezteko tresna moduan sortu zen. Irria aldizkariaren koordinatzaile den Agurtzane Ortiz Lopetegirekin hitz egin dugu aldizkariaren 125. Alea eskuetan genuela  eta  azken hilabetetan aldizkariak izan dituen aldaketen berri eman digu Amazoniatik txangoa eginez.