Kezka ez da berria, eta egoerak ez du hobera egiten. Norgehiagokak norgehiagokak utzi izan dira bertan behera, isunak jarri dira eta behin baino gehiagotan ikusleak ere kanporatu dituzte futbol zelaietatik.

Futbol zelaiak diogu baina bestelako kiroletan ere gertatzen da eta arduradunek ez dakite zer egin.

Azken ekimenetako bat Bizkaiko Futbol Federaziotik heldu da. Hau ez da zure lekua lelopean sentsibilizazio kanpaina bultzatu dute, eta helduen jarrera oldarkorrak salatzearekin batera jakinarazi du epaile falta gero eta larriagoa dela.

Bizkaiko Arbitroen Federazioko kide Jose Antonio Mijaresek adierazi du jarrera horien ondorioz gero eta epaile lanetarako gero eta jende gutxiagok ematen duela izena eta norgehiagoka batzuk epailerik gabe gelditu direla honezkero. “Batez ere kategoria txikienetan epaileak 14-15 urteko neska-mutikoak izaten dira. Nerabeak dira eta ikasten ari dira, baina oso irain gogorrak entzun behar izaten dituzte astero”. Denboraldia hasten dutenen %75ak utzi egiten dute.

Bizkaiko Futbol Federazioa bereziki kezkatuta dago eskola futbolean gertatzen direnekin, eta bideo sorta kaleratu dute oldarkor jokatzen duten gurasoak eta zaleak zelaietatik ateratzako.

Bizkaiko Federazioan lanean dihardute isunak gogortzeko eta zale horiek harmailetatik kanporatzeko tresnak berriak indarrean jartzeko.

Honek guztiak ematen du gogoetarako. Zer egin beharko genuke halakoak gertatzen direnean harmailetan gauden gainerako gurasoek? Zergatik joaten da hainbeste jende hain jarrera oldarkorrekin umeen partiduetara?