Txisteratik taldeak antolatuta aste magikoa ari dira ospatzen Azpeitian, izan ere, magiari lotutako zenbait ekintza antolatu dituzte. Magia gustuko duen orok bertatik bertara murgiltzeko aukera izango du festan asteburuan ere izango baitu jarraipena.

Gaur, egubakoitza, esaterako, gazteen gala egingo dute Sanagustin kulturgunean, 22:30ean hasita eta zenbait magoren ikuskizunez gozatu ahal izango dute bertaratzen direnek. Eneko Gutierrez, Iagomago, Julen magoa eta Maria Arandia izango dira protagonistak. Sarrerak dagoeneko salgai daude lotura honetan.

Zapatuan, berriz, gertuko magiaren txanda izango da eta 12:30etik 14:00etara askotasiko magia trikimailuez gozatu ahal izango dute herritarrek herriko hainbat txokotan.

Azkenik, domekan izango da jaialdiko azken ikuskizuna. Gala nagusia Soreazu antzokian izango da, 19:00etan hasita. Txinako Huang Zheng, Iagomago azpeitiarra, Kanarietako Hector Mancha, Elgoibarko Niala eta Bilboko Peio Rivas igoko dira oholtzara. Emanaldi honetarako ere sarrerak salgai daude.