2023ko bigarren hiruhilekoan 3.205 jaiotza izan dira Euskal Autonomia Erkidegoan eta zifra hori aurreko urteko data berean erregistratutakoa baino %3,9 txikiagoa da Eustaten datuen arabera. Urtean metatutako beherakada %4,6ra jaitsi da. Lurraldeka, beherakadarik handiena Araban izan da, %8,9; Bizkaian, %3,6 eta Gipuzkoan, %1,5. Bizkaian 1.577 haur jaio dira; Gipuzkoan, 1.077 eta Araban 551.

Jaiotza-hurrenkeraren arabera, ia erdiak (1.509 haur) lehen semeak edo alabak izan dira 2023ko bigarren hiruhilekoan, baina 2022ko hiruhileko berean baino % 5,8 gutxiago izan dira. Beste 1.230 haur (% 38,4) beste seme edo alaba bat zegoen familietan jaio dira, eta hirugarren seme edo alaben edo hortik gorakoen jaiotzak, berriz, % 14,5 izan dira.

Iturria: eustat.eus