Begira Txiki Elkarteak antolatutako Zinematxiki Zinemaldiaren zortzigarren edizioa hilaren 16an hasi zen eta abenduaren 31ra arte iraungo du. Haur eta gazteendako nazioarteko zinema jaialdia da eta mundu osoko 100 filma baino gehiago aurkeztuko ditu.

Jaialdiaren irekitze saioa abenduaren 23an izango da eta Tony, Shelly y la linterna mágica animaziozko film luzea botako dute Bilboko Golem zinemetan. Aipatzekoa da lan horrek hainbat sari jaso dituela nazioartean.

Bestalde, Guggenheim Museoko TopArte programarekin lankidetzak, zinemaldi honek zinema-kontzertua eta arte eszenikoei buruzko saio berezia eskainiko du. Istorio magiko eta maitagarri txikien arteko lotura-proposamena da.

Zinemaldiaren amaierako saioan Luce and the rock lana proiektatuko da, Britt Raes zuzendari belgikarraren lanak 2023 Europako film labur onenaren saria jaso du.

Hilaren 31 bitartean ia egunero egongo da ikus-entzunezko bat edo beste ikusgai eta egitaraua Zinematxiki Zinemaldiaren webgunean kontsulta dezakezu. Sarrerak ere webgunean bertan eros daitezke.