“Askotariko gaiak landuko dira eta gai bakoitza lantzeko lau saio egingo dira. Saio bakoitza hiru ordukoa izango da.”

Hik Hasi laborategiaez da ohiko formazioa, ez da ohiko ikastaroa; prestakuntzan pauso berri bat dakarren formatu berri bat da. Prestakuntza jasotzeko eta eguneroko jarduna hobetzeko espazio kualifikatua eta partekatua sortzea da egitasmoaren asmoa.

Adituak eta ikastetxeetan diharduten irakasleak eta hezitzaileak bilduko dituen formatu berriaren espazioak hiru ezaugarri nagusi ditu:

  • Adituaren mintzaldia: gaian aditua den pertsonak saio bakoitzaren hasieran gaiari buruzko edukiak azalduko ditu.
  • Irakasleen arteko solasaldia: laborategiko parte-hartzaileek tarte luzea izango dute euren eguneroko bizipenak, zailtasunak eta praktikak partekatzeko eta adituarekin kontrastatzeko.
  • Gako praktikoak: laborategiaren amaieran gako praktikoak aterako dira parte-hartzaileen eta adituaren artean.

Gogoeta partekatuan oinarritutako metodologia erabiliko da laborategian eta garrantzia handia eta denbora asko eskainiko zaio parte-hartzaileen solasaldiari. Adituen laguntzarekin, gaia gorpuzteko aukera izango da, beste sareetako eta ikastetxeetako kideekin partekatzeko parada eta segurtasun eta konfiantza handiagoarekin itzultzeko abagunea. Hik Hasi egitasmoaren esanetan , laborategian modu arinean eta sakontasunez landuko dira gaiak.

Lehenengo bi ikastaroetan izen-ematea zabalik dago jadanik.