Ikusmen egokia ezinbestekoa da umeen garapenerako
Garrantzitsua da haurtzaroan ikusmenaren azterketak egitea, izan ere, begi eta ikusmen osasuntsuak ezinbestekoak dira txikienen garapenerako. Haurtzaroan ikusmenarekin lotutako arazo nagusiak zeintzuk diren eta nola iger daitezkeen jaso dute Puntua aldizkarian Multiopticas sareko adituak iturri hartuta.
Arazo nagusiak
Ikusmenaz ari garela, garrantzitsua da kasu bakoitza bereziki aztertzea. Hala ere, badira umeek ikusmenean izan ditzaketen zenbait arazo ohikoenak direnak. Anbliopia, edo begi nagia deitzen duguna, itxuraz normala den begi batek ikusmen urria edukitzea da. Ez bada neurririk hartzen, anbliopiak atzera bueltarik gabeko ikusmen galera eragin dezake kaltetutako begian; izan ere, garuna ohitu egiten da begi horrek bidaltzen dion informazioari kasurik ez egitera.
Neurriak hartzeko orduan, adinik egokiena haurreskolakoa da. Estrabismoa lehenago ezkel- tasuna (bizquera) izenez ezagutzen zena begien lerrokatze okerra da; barrurantz, kanporantz, gorantz edo beherantz orientatzen dira. Azkenik, errefrakzio akatsa dago: miopia —urrunera gaizki ikustea—, hipermetropia —gertura gaizki ikustea—, eta astigmatismoa —begiaren kurbaduran inperfekzioa—.
Arazoa nola igarri
Umeen osasuna da gurasoen kezka nagusietakoa, baina, sarri, ez dute haien ikusmenean pentsatzen. Gainera, gurasoak, askotan, galduta ibiltzen dira seme-alaben ikusmen arazoak antzemateko. Bada, nola igarri ikusmen arazoak dituzten ala ez? Sintoma agerikoenez gainera, begiak sarritan igurztea, begi-globoen mugimendu arraroak, begiak okertzea, begi negartsu eta gorrituak… Badira beste pista batzuk ikusmen arazo baten aurrean gaudela adierazten dutenak. Larrienetako bat, eta konturatzea kostatzen zaiguna, eskolan zailtasunak izatea da. Izan ere, ikusmen arazoak dira eskola porrotaren %30en arrazoia.
Gaizki hornitutako begiek eskolako emaitzetan eragin dezakete, atentzio falta eta eskolan atzeratzea ekarrita.
Prebentzioa funtsezkoa
Egokiena urtean behin azterketa (errebisioa) egitea da. Optikaren arloan, gainera, aurrerapauso handiak ematen ari dira prebentzioari dagokionez, eta bereziki azpimarragarria da umeei dagokiena. Optikaren arloan, gainera, aurrerapauso handiak ematen ari dira prebentzioari dagokionez.
Iruzkinik ez "Ikusmen egokia ezinbestekoa da umeen garapenerako"