Ttarttalo argitaletxeak haurtzarotik nerabezarora arteko sexu-heziketarako bilduma argitaratu du. Anna Salvia eta Cristina Torron dira egileak.

“Gure gorputzak txiki-txikitatik pizten digu jakin-mina. Haurrek galdera mordoa izaten dute beren aluaren eta zakilaren inguruan eta, nerabezarora hurbiltzen joan ahala, unibertsala da gorputzaren superbotereak ezagutzeko gogoa sentitzea. Sarri ez da erraza ezagutza hori taburik eta aurreiritzirik gabe jasotzea, eta horretara dator bilduma hau: haurrak eta nerabeak beren gorputza eta sexualitatea ongizatez, errespetuz eta naturaltasunez bizi dezaten ahalbidetzera”, azaldu dute Ttarttalotik.

Txikienentzako (+ 4 urte) Alua du izena eta Zakila du izena argitaratu dituzte. Album itxurako liburu hauek modu sinple eta errazean lagunduko diete haurrei beraien gorputza ezagutzen eta maitatzen. Sexualitatearen inguruan sarri sortzen diren galderak eta zalantzak argitzen laguntzeko, gainera, liburuek gurasoei eta hezitzaileei eskainitako gida ere badakarte, taburik gabeko sexu-heziketan bidelagun izateko.

Hilekoa mundiala da eta Semena mundiala da lanek taburik gabe gonbidatuko ditu 9 urtetik gorako gaztetxoak, beren gorputza sakon-sakonean eta aske behatzera eta ezagutzera.
Ikuspegi fisiologiko zein emozionaletik, beharbada egitera ausartzen ez diren galdera askoren erantzunak izango dituzte liburuotan, eta atalez atal nahiz osorik irakurri ahal izango dituzte, bizi duten momentuaren arabera.”Hilekoa mundiala da eta Semena mundiala da lanek taburik gabe gonbidatuko ditu 9 urtetik gorako gaztetxoak, beren gorputza sakon-sakonean eta aske behatzera eta ezagutzera. “Ikuspegi fisiologiko zein emozionaletik, beharbada egitera ausartzen ez diren galdera askoren erantzunak izango dituzte liburuotan, eta atalez atal nahiz osorik irakurri ahal izango dituzte, bizi duten momentuaren arabera”.

Esku-orria hemen.