UEUk, GOI Ikastegiaren bidez, “Hezkidetzatik pedagogia feministetara: euskal curriculuma iparrorratz” graduondokoa eskainiko du urtarriletik aurrera eta izena emateko epea zabalik dago azaroaren 22ra arte.

Hainbat helbururekin antolatu dute graduondokoa. Horien artean dira:

– Irakasle-jarduna pedagogia feministetatik eta euskal curriculumetik birpentsatzea.

– Euskal kultura eta euskal curriculuma hezkidetzaren begiradatik eta begirada feministatik elikatzea.

– Norberaren kontzientzia feminista eraiki eta sentsibilitate pedagogiko-feminista garatzea.

– Hezkidetza eta pedagogia feministen esparruko eragileak ezagutu eta haiekin batera egungo hezkuntza markoa eraldatzea.

Gaiarekin lotuta, ordubete inguruko solasaldia egin dute Iratxe Retolazak, Assumpta Ayerdik, Joseba Gabilondok eta Eider Goiburuk. Hemen dago ikusgai.

Graduondokoari buruzko informazioa gehiago hemen.