Aukeran Dantza Konpainia lehen aldiz hurreratu da haurren mundura, eta ikuskizun berri bat ekarriko du Donostiako Victoria Eugenia Antzokira abenduaren 1ean. Ikuskizunean, amama batek ipuinak kontatzen dizkio bilobari. Euskal dantzetan oinarritutako koreografien bidez, zazpi ipuin kontatuko dira, zazpi euskal lurraldeetako herri banatan kokaturik gai eta pertsonaia ezberdinekin. Ipuinen irakurketarekin batera, dantza izango da ipuinen irudikapen koreografikoaren protagonista.

Ipuin tradizional zaharren irakurketa berritua izango da, eta Euskal Herriko geografia ezberdinetan barrena eramango gaitu, pertsonaia harrigarriekin.

Esteka honetan, emanaldi gehiago.