Gallarta Bizkaiko Abanto udalerriko auzo nagusia da. Gallarreta deituriko leku batean sortu zuten XIX. mende hasieran, baina azpian meatzea aurkitu eta lekuz aldatu zuten auzoa Kontxa II. meatzea ustiatzeko. Lehenengo Gallartako auzune txiki bateko etxe gutxi batzuk gelditzen dira zutik.

Ikusgarria da Euskal Herriaren meatzaritzaren museoren zein ekoetxearen ondoan dagoen meatze zulo ikaragarria. Kontxa II. meatzea da. Aire zabaleko meatzea izan zen eta 1970eko hamarkadan Europako bigarren burdin ustiategirik handiena bilakatu zen. Garai onenetan 500 langile aritzen ziren barruan lanean.

Gallarta ezagutzera familian joan nahi dutenez aisialdirako aukera polita aurkituko dute meatze horren alboan dagoen berdegunean. Ziburuak, mahaiak, iturria, zaborrontziak, inguruan landatutako zuhaitzen gaineko informazioa, eta eserlekuak daude. Espazio zabala da.

Gallarta bisitatzearekin batera interesgarria izan daiteke Zugaztieta ere ezagutzea.