Ipuinak edota liburuak irakurtzen gabiltzanean, irakurtzeari zein orritan utzi diogun ez ahazteko, gaurkoan orri aurkitzaile jostalariak nola egin daitezkeen irakatsiko dizuegu.

Materiala:

  • Koloretako orriak eta kartulinak
  • Artaziak
  • Rotulkiak edo margoak
  • Arkatza
  • Erregela
  • Kola

PAUSUAK

  1. Lehenik eta behin, kartulina batean neurri berdineko 4 karratu sortu beharko ditugu eta ertzetan geratzen diren bi karratuei diagonalean bi marra egingo dizkiogu.
  2. Gezi formako irudia geratuko zaigu eta berau moztu beharko dugu.
  3. Moztu berri dugun kartulina zatian dauden triangeluak bata bestearekin itsatsi beharko ditugu.
  4. Prest daukagu gure orri aurkitzailea, berau apaintzea besterik ez zaigu geratzen.
  5. Kolore askotariko orri aurkitzaileak egin daitezke eta norbere sormena erabiliz nahi duzuen bezala apaindu!

Bideoa

Argazkiak