Eboluzioa eta giza-genetika gaiak azaltzeko “Gure arbasoak” bideo-sorta berria sortu eta argitaratu du Ikusgelak. Hezkuntzarako ikus-entzunezko materiala lantzeko ekimena da Ikusgela, Euskal Wikilarien Kultur Elkarteak gidatua, Wikipedian txertatzen baitira material horiek,  baita YouTuben eta ikusgela.eus webgunean ere.

Galder Gonzalez da Gure arbasoak sortako gidoilaria eta aurkezlea. Sailaren lehen denboraldiak giza eboluzioa ulertzeko 16 bideoko bidaia bat proposatuko du egitasmoak eta urtarriletik ekainera arte luzatuko da. EHUko Kultura Zientifikoko Katedrako adituen laguntza izan dute bideoak sortzeko.

Guk Ander Bolibar Ikusgela egitasmoko koordinatzailearekin hitz egin dugu bideo sorta berria aurkezteko.