Maitasun eta errespetuz haztea, errietatik haratago
Guraso gisa, gure seme-alabentzako onena nahi dugu: zoriontasuna, erantzukizuna, autonomia, pertsona onak izatea, bizitzaz gozatzea eta beren buruaz seguru eta maitatuak sentitzea. Horrez gain, elkarrekiko errespetuan, maitasunean, konfiantzan, harmonian eta elkarrizketa zintzoan oinarritutako harremanak eraiki nahi ditugu haiekin. Hala ere, askotan eguneroko dinamiketan harrapatuta aurkitzen gara, non errieta, agindu, mehatxu edo egiten dutenaren zuzenketa nagusi diren. Horrek pentsatzera eraman gaitzake etengabe irakasten dihardugula, eguneko 24 orduetan.

Erronka handietako bat gure itxaropenak eta espektatibak kudeatzea da. Etxera iritsi eta haurrak egitea nahiko nituzkeen horiek egitea lortu behar izatearen espektatiba izateak, errealitatearekin talka egitera eramaten gaitu, pentsatu bezala gertatzen ez denean. Honen ondoren hori lortzeko taktika desberdinen arteko barne guda ere izan dezakegu. Pentsa dezakegu ez badut gogor hartzen edo zigortzen, ez duela ikasiko eta gainera permisiboegia izango naizela. Edo, ulerkorra eta goxoa izan behar naizela haurra behar bezala hezteko, bestela berak ere gauza berbera ikasiko duela.

Profil desberdinetako gurasoak gaude eta denok dugu gure profiletik zerbait limatzeko. Gure tendentzia zorroztasunarena badin bada, hau ere beharrezkoa izango da heziketan, baina goxotasuna gehitzeak orekatu dezake. Aldiz, goxotasun eta haurrekiko enpatia lehenesten dutenak, irmotasun eta zorroztasun pixka bat barneratzea beharrezkoa izango dute.

Jokabideak zuzentzen soilik zentratu beharrean, eraginkorragoa da konexioan zentratzea. Zer esan nahi du konexioan jartzea lehentasuna? Gure eta beraien ekintzetatik haratago ezagutzea, denon sentimenduak eta beharrizanak ulertzea, haien eta gure portaerak zerbait asetzeko beharretik sortuak izan baitira.

Familiaren lankidetza areagotzeko, ezinbestekoa da familia-kide bakoitzak sentitzea bere beharrizanak garrantzitsuak direla eta asetzen direla. Adibidez, denbora esklusiboan elkarrekin egoteak loturak indartzen ditu eta gatazkak saihesten laguntzen du. Honekin batera, gatazken zuzeneko momentuak, ez dira konexiorako errazenak izatean, baina egoerak gertatu aurretik eta ondoren lantzeak aukera errealagoak ekarri ditzake harmonia mantentzen lagundu gaitzaketenak.

Gatazkak eraikitze bide bezala erabiltzea
Etxeko giroak oinarrizko papera du haurren garapenean. Horregatik, garrantzitsua da familiako gatazkak ikasteko eta hazteko aukera bezala ikustea. Gatazka bat kudeatzerakoan, kritikatu beharrean, egoera deskribatu dezakegu, eraso edo defentsa aukerak murrizteko. Gainera, “zu” hizkuntza “ni” hizkuntzara eraldatzen badugu, elkarrizketa emankorragoa ahalbidetu dezakegu. Beste pertsonari zuzendutako kritikek defentsa mekanismoak aktibatu ohi dituzte, elkarrizketa eraikitzailea oztopatuz eta kolaboratzeko gogoa itzaliz.

Limite sendoak eta atseginak ezartzea ere ezinbestekoa da. “Ez” esaten dugunean, galdetu diezaiokegu geure buruari: zeri ari naiz bai esaten? Nola zaindu ditzaket bere beharrizanak une horretan? Garrantzitsua da emozioei lekua uztea, sentitzen dutena sentitzen uztea, kexak onartzea, entzutea eta nola kontuan izan ditzakegun ikustea.

Prozesu bezala heztea
Azken finean, maitasun eta errespetuz haztea etengabeko ikaskuntza bidaia da. Gurasoek beti izango dugu zer hobetua, zer aldatu eta zer ikasi. Aldi berean, egiten ari garen moduarekin ari naiz izaten nire seme-alaben guraso ederrena. Sinistu nahi?