Gaurkoan, material ezberdina gordetzeko eskulan erraz batekin gatoz. Koloretako kartulinak erabilita  kutxa bat sortuko dugu. Guk eskulanak egiteko erabiltzen ditugun rotulkiak gordeko ditugu bertan baina norberak nahi duen materiala gordetzeko erabili dezake.

Materiala:

  • Kartulinak
  • Artaziak
  • Erregela
  • Arkatza
  • Kola
  1. Hasteko, kartulina orri baten, lau aldetatik neurri berdina utziz, laukizuzen bat marraztuko dugu.
  2. Ondoren, alde guztiak tolestuko ditugu eta argazkian adierazitako mozketak egingo ditugu.
  3. Jarraian, moztutako aldeak itsatsi beharko ditugu, horretarako kola erabiliko dugu.
  4. Bukatzeko, beste kartulina zati bat hartu eta aurreko pausu berdinak jarraituz, gure kutxaren tapa sortuko dugu. Kontuan izan beharko dugu taparen aldeak kutxaren azpiko zatiarenak baino txikiagoak izan beharko direla.
  5. Bukatzeko, kutxa apaintzea besterik ez zaigu geratuko, erabili sormena eta apaindu nahi duzuen bezala.
  6. Kutxak, berrerabilitako paper edo errebistekin ere sortu daitezke. Kutxa ezberdinak egitera animatzen zaituztegu!