Larunbatean BEC en izan ginen. Bilboko Exhibicion Centreari arima pixkat emateko aitzakia ederra genuen; Pirritx, Porrotx eta Marimorei omenaldia.
Sentitu Pentsatu eta Egin, EKIN!  irakatsi digute pailazoek eta gurasotasunean lagun izan ditugu, gure seme alabek bestelako erreferenteekin topo egin eta pailazoak txikien kontuak direla erabaki duten arte! Itzuliko dira, lasai!  

Haurrekin gai ezberdinen inguruan hitz egiteko aitzakia ederrak eskaini dizkigute euskal gurasooi 37 urte hauetan; heriotza, dolua, minbizia, kulturartekotasuna…

Mimo handiz prestatutako ekimena izan zen, ikusgarria eta hunkigarria, ederra! Euskalgintzako eta kulturgintzako erreferenteak, irrigintzakoekin irriak uztartuz; dantza, musika, hitza, sormena taula gainean eta pistan!  

Petoarekin harmailetatik ikusi genuen Txatxilipurdi elkarteko bi lagunek emanaldia. Elkarte moduan pailazoei zor diegunaz hitz egin genuen gure artean, sortu dutenaz eta omenaldian sortu zenaz! Eskerrik asko  ekimena antolatu duzuen herritarroi!

Emanaldiaz gozatu genuen gure gunetik, eta bertatik ikusi genituen ere haur txikian zituzten gurasoak  ahal zutena egiten, omenaldia omenaldi baitzen eta haurrak beraiek dira protagonista uneoro! Uste dut batzuei zaila egin zitzaiela omenaldiaren eta beraien seme alaben erritmoak uztartzea, hor ere sormena!

Nik, Maialenen irakurritako testua nahi dut! bere hitzekin jolasteko! Ikasteko! Ezin izan nuen jarraitu!  

Ni, Eugeni Altzibarren indarrak piztu nintuen

Gazako errealitatea lehertu zen nire baitan Sol Bandeko kideekin, puff!

Kulturen nahaste ederrean dantza egin nuen.

…

Eskerrikasko Pirritx, Porrotx eta Marimotots! Gurasotasunean ere bidelagun!